Aqtóbede áıelderdi tonap júrgen jas jigit ustaldy
AQTÓBE. QazAqparat – Qalada áıelderdiń altyn alqasyn tonaǵan kúdikti ustaldy. Ol túnde ǵana emes, kúndiz de ashyq túrde urlyq jasaǵan, dep habarlaıdy QazAqparat tilshisi.
Kúdikti kósheniń qýys jerin ádeıi tańdap, adam az júretin sátti paıdalanǵan. Oblystyq Polıtsııa departamenti krımınaldyq polıtsııa basqarmasynyń qyzmetkerleri tamyz - qyrkúıek aılary aralyǵynda 8 adamdy tonaǵan 24 jastaǵy qala turǵynyn ustady. Ol kinásin moıyndady. Qazir ýaqytsha ustaý ızolıatoryna qamaldy.
«Urlanǵan zergerlik buıymdardy tárkileý úshin jedel-tergeý sharasy júrgizilýde. Atalǵan derek boıynsha Qylmystyq kodekstiń «Tonaý» baby boıynsha is qozǵaldy. Taǵylǵan aıyp dáleldense, jas jigit 5 jyldan 10 jylǵa deıin bas bostandyǵynan aıyrylýy múmkin. Eger siz osyndaı qylmystyń qurbany bolsańyz, jaqyn mańdaǵy polıtsııa bólimshesine nemese 102 nómirine qońyraý shalyńyz», - dep habarlady oblystyq PD baspasóz qyzmetiniń jetekshisi Erbolat Sarqulov.
