Aqtóbede áıelder arasyndaǵy sýıtsıd azaıdy
AQTÓBE. QazAqparat - Aqtóbe polıtsııasy áıelderge qatysty zorlyq-zombylyqtyń aldyn alý jumystaryn qorytyndylady, dep habarlaıdy QazAqparat tilshisi.
Aqtóbelik polıtseıler áıelderdi zorlyq-zombylyqtan qorǵaý jumystaryn qortyndylady. Jyl basynan beri áıelderge qatysty 2 myńnan astam qylmystyq is qozǵalǵan.
«Áıelderge qatysty jasalǵan qylmystardyń 18,8% múliktik sıpatqa ıe. Saralaı kele jumys istemeıtin er adamdar ishimdik iship, otbasynda jıi janjal uıymdastyratyny anyqtaldy. Turaqty jumysy joq adamdar da osy sanatqa qosylǵan. Ýchaskelik polıtsııa ınspektorlary turmys barysyndaǵy quqyqbuzýshylyqtardy tirkep, 1200-ge jýyq turǵyndy ákimshilik jaýapqa tartty. Taǵy bir aıta keterligi, bıyl birinshi jartyjyldyqta áıelder arasyndaǵy sýıtsıd faktisi 50,8% tómendegen», - dep habarlady oblystyq PD baspasóz jetekshisi Erbolat Sarqulov.
«Turmystyq zorlyq-zombylyqtyń aldyn alý týraly» Zań talaptaryn júzege
asyrý maqsatynda jáne Aqtóbe oblysy Polıtsııa departamentiniń Jergilikti polıtsııa
qyzmeti basqarmasynyń josparyna saı jyl basynan beri «Turmys», «Jaılaý» jáne «Halyqaralyq
otbasy kúni» aıasynda aldyn alý is-sharalary ótkizildi. Áıelderdi
zorlyq-zombylyqtan qorǵaý, olardyń quqyqtarynyń saqtalýy, quqyqbuzýshylyqtardyń
aldyn alý maqsatynda Halyqtyq keńse ǵımaratynda, daǵdarys ortalyqtary men
Aqtóbe qalasynyń jumyspen qamtý ortalyǵy densaýlyq saqtaý salasynyń
qyzmetkerlerimen áıel azamattarǵa qabyldaý ótkizilip, olarǵa keńester berildi.
