Aqtóbede áıeldi uryp-soqqan qala ákimine qatysty istiń úkimi ishinara ózgerdi

AQTÓBE. KAZINFORM — Qandyaǵash qalasynyń ákimi Qazbek Aqqaıyr sot úkimimen kelispeı, apellıatsııalyq shaǵym túsirdi. Búgin sot alqasy qaýly shyǵardy. 

Aqtóbe oblystyq sotynyń sot alqasy Qazbek Aqqaıyrǵa qatysty úkimdi ishinara ózgertý týraly qaýly shyǵardy. Aıyppul mólsheri azaıǵanymen, ókilge tólenetin tólem ósti. Al úkimniń qalǵan bóligi ózgerissiz qaldy.

— Qazbek Aqqaıyrdan Qylmystyq kodekstiń 109-1-babynyń 1-bóligi boıynsha taǵaıyndalǵan aıyppul túrindegi jaza mólsheri 295 360 teńgege deıin tómendetilsin. Aqqaıyrdan jábirlenýshiniń ótemaqy qoryna óndirilgen májbúrli tólem mólsheri 18 460 teńgege deıin tómendetilsin. Aqqaıyrdan jábirlenýshi paıdasyna óndirilgen ókilge tólengen shyǵynnyń mólsheri 300 000 teńgege deıin ulǵaıtylsyn. Úkimniń qalǵan bóligi ózgerissiz qaldyrlsyn. Aqqaıyrdan jábirlenýshi paıdasyna apellıatsııalyq satyda ókilge tólengen 50 myń teńge shyǵyny óndirilsin. Prokýrordyń apellııatsılyq ótinishhaty qanaǵattandyrylsyn. Sottalǵan Qazbek Aqqaıyrdyń shaǵymy qanaǵattandyrýsyz qaldyrylsyn, — dedi sýdıa.

Eske salsaq, Muǵaljar aýdandyq sotynda Qandyaǵash qalasynyń ákimi Qazbek Aqqaıyrǵa qatysty is qaraldy.

Ákimge Qylmystyq kodekstiń «Uryp-soǵý» baby boıynsha aıyp taǵyldy. Oǵan 80 AEK, ıaǵnı, 314 560 teńge kóleminde aıyppul salyndy.

Sol kezzde sýdıa bas-mı shaıqalýy, moıyndaǵy aýyrsyný birinshi saraptama qorytyndysy kezinde dálelin tapty dep túsindirdi. Al ózge sarapshylar dene jaraqatynyń aýyrlyǵy boıynsha ǵana taldaý júrgize alatynyn aıtqan.