Aqtóbede áıeldi uryp óltirgen kúdikti ustaldy

AQTÓBE. KAZINFORM - Aqtóbede áıeldi uryp óltirý deregimen qylmystyq is qozǵaldy. Tergeý júrip jatyr.

Oqıǵanyń qaı ýaqytta, qalaı bolǵany ázirge jarııalanbady. Aqtóbe oblystyq PD baspasóz qyzmetiniń habarlaýynsha, adam ólimine ákep soqqan densaýlyqqa qasaqana aýyr zııan keltirý baby boıynsha is qozǵaldy.

«Erli-zaıypty emes, biraq birge turǵan. Qazir kúdikti ustaldy. Tergeý júrip jatyr. Tergeýge baılanysty ózge aqparat jarııalanbaıdy», - dep habarlady Aqtóbe oblystyq PD baspasóz qyzmeti.

Eske salsaq, bıyl Aqtóbede dárigerdi páterinde pyshaqtap, keıin oqıǵa ornynan qashyp ketken kúdikti ustaldy. Tergeý kezinde kúdiktiniń qylmys jasaýǵa aldyn ala daıyndalyp barǵany, dárigerge 24 ret pyshaq suqqany belgili boldy.

Sottalýshy 22 jylǵa bas bostandyǵynan aıyryldy.