Aqtóbede áıel eki balasyn óltirdi degen kúdikke ilikti
AQTÓBE. KAZINFORM — Aqtóbede eki balanyń denesi tabyldy. Qazir olardyń anasy ustalyp, qamaldy.
Qylmystyq oqıǵa Aqtóbe oblysy Muǵaljar aýdany Qandyaǵash qalasynda tirkeldi. Polıtsııa eki balanyń mert bolǵanyn anyqtady. Aldyn ala belgili bolǵany, bosanǵan ana kúızeliske ushyraǵan.
— Olardyń ólimine kúdikti retinde anasy, Atyraý oblysynyń turǵyny ustaldy. Áıel bosanǵannan keıin kúızeliste bolǵan. Qylmystyq is qozǵalyp, áıel ýaqytsha tergeý ızolıatoryna qamaldy. Tergeý polıtsııa bastyǵynyń baqylaýynda, — dep habarlady Aqtóbe oblystyq PD baspasóz qyzmeti.
Balalar 3 jasta jáne 11 aılyq bolǵan. Áıeldiń Atyraýdan Qandyaǵashqa qonaqqa kelgeni belgili.
Eske salsaq, Aqtóbede 2 mln teńge aqsha bopsalaǵan kúdikti top ustaldy. Barlyǵy 15 adam polıtsııa bólimine jetkizildi.