Aqtóbede áıel burynǵy kúıeýiniń qolynan qaza tapty
ASTANA. KAZINFORM — Aqtóbede burynǵy erli-zaıyptylar arasyndaǵy turmystyq janjal qaıǵyly jaǵdaımen aıaqtaldy. Áıeldiń ólimine qatysty kúdikpen burynǵy kúıeýi ustalyp, ýaqytsha ustaý ızolıatoryna qamaldy. Atalǵan derek boıynsha qylmystyq is qozǵaldy.
Aldyn ala málimet boıynsha, burynǵy erli-zaıyptylar arasynda turmystyq janjal bolǵan.
Dese de, polıtsııa buǵan deıin atalǵan tulǵalardyń arasynda turmystyq janjal bolǵany týraly eshbir aryz-shaǵym men habarlamalar túspegenin aıtady.
Kúdikti 1995 jyly al jábirlenýshi 2000 jyly týǵan ekeni beligili boldy. Adam óltirý deregi boıynsha QR Qylmystyq kodeksiniń 99-babymen qylmystyq is qozǵaldy.
Qazirgi ýaqytta oqıǵanyń barlyq mán-jaıyn anyqtaýǵa baǵyttalǵan qajetti tergeý áreketteri júrgizilip jatyr. Tergeý múddesine baılanysty ózge aqparat jarııa etilmeıdi.
