Aqtóbede áıel adam túrmege tátti ornyna marıhýana orap ótkizbek boldy
Aqtóbe oblysy boıynsha QAJ departamentine qarasty KA-168/2 qaýipsizdigi ortasha túzeý mekemesiniń qyzmetkerleri men polıtseıler kúdik týǵyzǵan sálemdemeni tekserip, onyń esirtki ekenin anyqtady. Áıel tátti ornyna plastıkalyq 16 shprıts saýytyna muqııat jasyrylǵan marıhýanany ótkizbek boldy.
«Sálemdemeni jiberýshi óz kinásin jazbasha túrde tolyq moıyndady. Qoldanystaǵy zańnamaǵa sáıkes azamatsha Qylmystyq kodekstiń 296-baby 2-bóligi boıynsha esirtki zattaryn ótkizgeni úshin qylmystyq jaýapqa tartylady. Sonymen birge bir jyl boıy kúıeýimen kezdese almaıdy», - deıdi Aqtóbe oblysy boıynsha QAJ departamentiniń bastyǵy Almas Shamıshev.
Aıta keteıik, 2020 jyldyń qorytyndysy boıynsha, Aqtóbe oblysy boıynsha QAJ qyzmetkerleri túzeý mekemelerine kirgizýge tyıym salynǵan 600 gramǵa jýyq esirtki zattaryn, 1,5 lıtr spırttik ishimdikti, 160-tan astam mobıldi qurylǵy men 300 myń teńgege jýyq aqshany alyp ótý jáne paıdalaný deregin tirkedi.