Aqtóbede aıaz kúsheıip, júk kólikteriniń qozǵalysyna shekteý qoıyldy
AQTÓBE.KAZINFORM – Samara-Shymkent tasjolynyń Aqtóbe-Qarabutaq, Qarabutaq-Qostanaı, Aqtóbe-Qyzylorda aýmaǵynda dızel otynymen júretin júk kólikterine shekteý qoıyldy. Polıtsııa joldaǵy ózge kólikterdiń júrýin rettep jatyr.
Aqtóbede aıaz kúsheıip, boran bolyp tur. Saldarynan saǵat 19:00–de Samara-Shymkent tasjolynyń Temirbek Júrgenov aýylynan Qostanaı oblysy shekarasyna deıingi aýmaqta dızel otynymen júretin kólikter men qoǵamdyq kólikterge shekteý qoıyldy. Sonymen birge Samara-Shymkent avtojolynyń Aqtóbe qalasy Bekqul baba aýylynan Qyzylorda oblysy shekarasyna deıingi bóliginde dızel otynymen júretin júk kólikterine shekteý bar.
— Aıaz ben boran, kórý múmkindiginiń nasharlyǵyna baılanysty júk kólikteriniń qozǵalysyna ýaqytsha shekteý qoıyldy. Qazirgi tańda Aqtóbe oblystyq Polıtsııa departamentiniń patrýldik polıtsııa rotasy qyzmetkerleri atalǵan respýblıkalyq mańyzy bar trassada táýlik boıy qyzmet etip jatyr. Olarǵa jol qaýipsizdigin qamtamasyz etý, qozǵalysty retteý jáne kólik keptelisterine jol bermeý mindeti qoıyldy, — dep habarlady oblystyq PD baspasóz qyzmetiniń jetekshisi Erbolat Sarqulov.
Eske salsaq, borandy kúni bul aýmaqta júzdegen júk kóligi toqtap, qatynas múlde toqtaǵan bolatyn.
VIDEO: Aqtóbe oblystyq PD baspasóz qyzmeti
