Aqtóbede aıaldamalar senimgerlik basqarýǵa berildi
AQTÓBE. QazAqparat - Aqtóbede 30-dan astam aıaldama senimgerlik basqarýǵa berildi, dep habarlaıdy QazAqparat tilshisi.
Aqtóbe aıaldamalaryna kásipkerler jaýapty. Qazirgi kezde 32 aıaldama senimgerlik basqarýǵa berildi.
«Aqtóbede aıaldama jetkiliksiz. Al salynǵan aıaldamalardy tazalaý, kútý jumystaryna biz qarjy jumsamaımyz. Sondyqtan senimgerlik basqarýǵa berilip, aıaldamaǵa jarnama ornalastyrýǵa múmkindik jasaldy. Ár aıaldama ıesi aı saıyn 22 myń teńge salyq tóleıdi. Jóndeý, tazalaý jumystary da kásipkerlerdiń mindetine júktelgen. Tıimdisi osy bolyp tur», - dedi qala ákiminiń orynbasary Ibraım Kózbaev.
Eske salsaq, 2017 jyldan bastap Aqtóbege áınekti aıaldama ornatyla bastady.
