Aqtóbede avtoturaqtaǵy kólikterdiń qosalqy bólshekteri tekserildi
AQTÓBE. QazAqparat - Aqtóbede kólikti urlap, bólekshekterin satyp jiberetinderdiń aldyn alý maqsatynda arnaıy reıd uıymdastyryldy, dep habarlaıdy QazAqparat tilshisi.
Aqtóbe qalasynyń aýmaǵynda «Kólikti aıdap áketý» jedel aldyn alý sharasy júrgizildi.
Sharanyń maqsaty – tehnıkalyq qyzmet kórsetý stantsııalarynyń jumysyndaǵy zańdylyqty tekserý, qala aýmaǵynda ornalasqan avtobólshek satý oryndaryn baqylaý.
Reıd avtoturaqta urlanǵan kóliktiń bar-joǵyn, urlanǵan avtokólikter men qosalqy bólshekterdi satyp alýmen jáne ótkizýmen aınalysatyn adamdardy anyqtaýǵa baǵyttaldy.
«Ótken jyly 13 avtokólik urlandy. Sondaı-aq 18 avtokóliktiń bólshegin urlaý deregi anyqtaldy. Aqtóbe qalasynyń polıtsııa qyzmetkerleri avtokólik urlyǵy qylmysynyń aldyn alý, jolyn kesý jáne anyqtaý boıynsha aýqymdy sharany jalǵastyrady», - dedi oblystyq PD baspasóz qyzmetiniń jetekshisi Erbolat Sarqulov.
