Aqtóbede avtokólik órtenip, 3 jasar bala janyp ketti
AQTÓBE. QazAqparat – Aqtóbeniń Áıteke bı aýdany, Eńbektý aýylynda kólik órtenip, 3 jasar bala janyp ketti, dep habarlaıdy QazAqparat tilshisi.
Búgin Áıteke bı aýdany, Eńbek tý aýylynda eki bala úıdiń aýlasynda turǵan «Vaz 2106» markaly avtokóliginiń salonynda oınaǵan. Belgisiz sebeptermen avtokólik órtenip, 7 jasar bala shyǵyp úlgerdi. Al 3 jasar bala órtenip ketti.
«Qazirgi ýaqytta órttiń shyǵý sebepteri anyqtalyp jatyr. Kámeletke tolmaǵan balalardyń ata-analaryna eskertý jasaımyz. Balany qadaǵalap otyrý kerek. Sonymen birge balalarǵa qarapaıym saqtyq erejesin, qaýipsizdik týraly jıi aıtyńyz. Jazataıym oqıǵalar kóbine qaıǵyly aıaqtalyp jatady»,- dedi Aqtóbe oblysy PD bastyǵy Atyǵaı Arystanov.
