Aqtóbede avtobýstyń esigi ashyq qalyp, bir jolaýshy qulap ketti
AQTÓBE. QazAqparat – Aqtóbede qoǵamdyq kólik júrgizýshisi jol erejesin saqtamaı, avtobýs esigin ashyq qaldyrǵan. Kilt qozǵalǵan kezde bir jolaýshy qulap tústi, dep habarlaıdy QazAqparat tilshisi.
Aqtóbe oblysynyń polıtsııa departamenti qaladaǵy Ábilqaıyr han dańǵyly boıynda jol-kólik oqıǵasy bolǵanyn habarlady. № 11 baǵytyndaǵy «Paz» markaly avtobýsy Á. Moldaǵulova dańǵylynan Sátpaev kóshesine qaraı júrip, qoǵamdyq kólik esigin jappaǵan. Saldarynan bir jolaýshy qulap qaldy.
«Jolaýshy Jedel járdem aýrýhanasyna jetkizildi. Aqtóbe oblysynyń Polıtsııa departamenti jol qozǵalysy erejelerin saqtaýǵa jáne saq bolý qajettiligi týraly eskertedi», - dep habarlady oblystyq PD baspasóz qyzmetiniń jetekshisi Erbolat Sarqulov.
foto: ktk.kz
