Aqtóbede avtobýstan qulaǵan kondýktor kóz jumdy
AQTÓBE. QazAqparat – Aqtóbe oblystyq polıtsııa departamenti 15 mamyr kúni bolǵan jol-kólik oqıǵasynyń kýágerlerin izdeıdi. Kondýktor ashyq turǵan esikten qulap, kóz jumǵan, dep habarlaıdy QazAqparat tilshisi.
Oqıǵa 15 mamyr kúni saǵat 17:15-te tirkeldi. «Paz» markaly №11 baǵyttaǵy avtobýs qaladaǵy «Ákimdik» aıaldamasynan qozǵalar kezde esigip jappaı, júrip ketken. Sol kezde kondýktor qulap túsip, bas-mı jaraqatyn alǵan.
«24 mamyr kúni kondýktor jedel járdem aýrýhanasynda kóz jumdy. Avtobýs salonynda 20-25 jolaýshy bolǵan. Jol-kólik oqıǵasynyń kýágerleri men ol týraly bilgen-kórgen adamdar bolsa, 936-403, 936-408, 8 777-353-24-10, 8 702 226-44-03 uıaly telefondaryna habarlasýyńyzdy nemese Aqtóbe oblysy Polıtsııa departamentiniń anyqtaý basqarmasyna, №403 kabınetke jolyǵýyńyz suraımyz», - dedi oblystyq PD baspasóz qyzmetiniń jetekshisi Erbolat Sarqulov.
Kóz jumǵan Áıgerim Qarasaevnyń kámelet jasqa tolmaǵan 3 balasy bar. 33 jastaǵy jalǵyzbasty áıel qalada páter jaldap turǵan.
