Aqtóbede avtobýs júrgizýshisin pyshaqtaǵan kúdikti tergelip jatyr
AQTÓBE. QazAqparat - Aqtóbede 30 jastaǵy qoǵamdyq kólik júrgizýshisin pyshaqtaǵan kúdikti ustaldy. Qylmystyq kodekstiń «Buzaqylyq» baby boıynsha tergeý bastaldy, dep habarlaıdy QazAqparat tilshisi.
Eske sala ketsek, 17 mamyr kúni keshkilik Aqtóbe qalasyndaǵy №26 baǵyt avtobýsynyń júrgizýshisin jolaýshy pyshaqtap ketken bolatyn.
Buǵan deıin habarlaǵanymyzdaı, júrgizýshi jedel aýrýhanaǵa jetkizilip, jeńil dene jaraqatymen úıine shyǵaryldy.
Aqtóbe oblystyq ІІD baspasóz qyzmetiniń habarlaýynsha, kúdikti ustalyp, Sazdy polıtsııa bólimi Qylmystyq kodekstiń «Buzaqylyq» baby boıynsha sot aldy tergeý jumystaryn bastady. Kúdiktini kúzetpen ustaý túrindegi bultartpaý sharasyn sankıtsııalaýǵa ótinish berilip, ony sot qanaǵattandyrdy. Qazir kúdikti ýaqytsha tergeý ızolıatoryda otyr.
