Aqtóbede avtobýs pen júk kóligi soqtyǵysyp, eki adam aýrýhanaǵa jetkizildi
AQTÓBE. KAZINFORM – Aqtóbe qalasynda №29 baǵyttaǵy avtobýs pen júk kóligi soqtyǵysty.
Aqtóbe oblystyq PD baspasóz qyzmetiniń habarlaýynsha, №29 baǵyttaǵy avtobýs sońǵy aıaldamadan qozǵalǵan.
– Aqtóbe-Orsk tasjolynda avtobýs pen júk kóligi arasynda jol-kólik oqıǵasy bolyp, júrgizýshi men jolaýshylar aýrýhanaǵa jetkizildi. Oblystyq Polıtsııa departamenti jol erejesin qatań saqtaýdy eskertedi, - dep habarlady Aqtóbe oblystyq PD baspasóz qyzmetiniń jetekshisi Erbolat Sarqulov.
Oqıǵa ornyna jedel járdem baryp, zardap shekken 4 adamdy qarap shyqty.
– Avtobýstyń 32 jastaǵy júrgizýshisi jabyq bas-mı jaraqatymen Aqtóbe oblystyq kópsalaly aýrýrahanaǵa jetkizildi. Sonymen birge 55 jastaǵy jolaýshynyń oń jaq ıyǵy shyǵyp ketken. Ol da aýrýhanada jatyr. 73 jastaǵy qarııa jabyq bas-mı jaraqatyn aldy. Oń jaq ıyǵynyń býyndary aýyryp, dárigerlerge qaraldy. Keıin ol da oblystyq kópsalaly aýrýhaǵana jetkizildi. Al, júk kóliginiń júrgizýshisi dárigerge qaralmady, - dep habarlady Aqtóbe oblystyq Densaýlyq saqtaý basqarmasynyń baspasóz qyzmeti.
Aıta keteıik, bıyl Aqtóbede 400-den astam jol-kólik oqıǵasy bolyp, onda 94 adam kóz jumdy.
