Aqtóbede avtobýs pen júk kóligi soqtyǵysyp, 60-qa jýyq adam evakýatsııalandy
AQTÓBE. KAZINFORM - Tótenshe jaǵdaılar qyzmeti jolaýshylardy kempıngke jetkizdi. Eshkim zardap shekken joq.
Aqtóbe oblystyq TJD baspasóz qyzmetiniń habarlaýynsha, oqıǵa Áıteke bı aýdany Qarabutaq aýyly mańynda boldy.
- «Máskeý – Shymkent» baǵytynyń avtobýsy men júk kóligi soqtyǵysty. Avtobýsta Qazaqstan, Qyrǵyzstan jáne Ózbekstan azamattary boldy. Oqıǵa ornyna TJD, polıtsııa, jedel járdem jáne basqa da jedel qyzmetterdiń kúshteri men quraldary jumyldyryldy. Qutqarýshylardyń kúshimen jolaýshylar Qarabutaq aýylyndaǵy «Maıak» kempıngine evakýatsııalanyp, olarǵa qajetti kómek kórsetildi. Zardap shekkender joq,- dep habarlady Aqtóbe oblystyq TJD baspasóz qyzmeti.
Aqtóbe oblystyq PD baspasóz qyzmetiniń habarlaýynsha, ákimshilik tártippen hattama toltyrylady. Sebebi eshkim jaraqat almady.
Buǵan deıin aqmolalyq polıtseıler jolda qalǵan sheteldikterge der kezinde kómek kórsetti. Jolda kóliktiń janarmaıy qatyp qalǵan.