Aqtóbede avtobýs pen kólik soqtyǵysyp, jolaýshy aýrýhanaǵa tústi
AQTÓBE. QazAqparat - Aqtóbede jol-kólik oqıǵasy tirkelip, avtobýs jolaýshysy aýrýhanaǵa tústi, dep habarlaıdy QazAqparat tilshisi.
Oqıǵa 15 shilde kúni Nur-Aqtóbe yqsham aýdanynda tirkeldi. «VAZ-2110» kóligi men avtobýs soqtyǵysyp, taǵy bir jeńil kólikpen túıisip qaldy.
«Avtobýs eki jeńil kólikti soqty. Jol apaty kezinde qoǵamdyq kólik jolaýshysy qulap, dene jaraqatymen aýrýhanaǵa tústi. Onyń sol qoly syndy», - dep habarlady oblystyq PD baspasóz qyzmeti.
