Aqtóbede avtobýs pen KamAZ soqtyǵysyp, bir adam qaza tapty
AQTÓBE. QazAqparat - Aqtóbe qalasynda №29 baǵyttaǵy avtobýs pen KamAZ soqtyǵysyp qaldy. Bir adam mert bolyp, 15 jolaýshy jaralandy, dep habarlaıdy QazAqparat tilshisi.
Oqıǵa Aqtóbe-Orsk tas jolynda boldy. Qalanyń Keńes Nokın aýylyna baratyn qoǵamdyq avtobýs júk kóligimen soqtyǵysty.
"Oqıǵa ornynda bir adam qaza taýyp, 15 adam jaralandy. Onyń úsheýi kámelet jasqa tolmaǵan bala. Qylmystyq is qozǵaldy", - dedi oblystyq PD baspasóz qyzmeti.
Zardap shekkender oblystyq jedel járdem aýrýhanasyna jetkizildi.
"Bizderge 9 adam jetkizildi. 56 jastaǵy áıel aýrýhananyń polıtravma bólimine jatqyzyldy. Onyń mıy shaıqalyp, qabyrǵasy synyp, ókpesine zaqym kelgen. Taǵy bir nasqas hırýrgııa bóliminde jatyr. Ózgesi úılerine jiberildi", - dedi aýrýhana bas dárgeriniń orynbasary Azamat Áskerbekuly.
