Aqtóbede avtobýs aýdaryldy
AQTÓBE. QazAqparat – Aqtóbede 22 jolaýshysy bar avtobýs aýdarylyp qaldy, dep habarlaıdy QazAqparat tilshisi.
Aqtóbe – Alǵa tasjolynda jolaýshylar kóligi aýdarylyp qaldy.
«Oqıǵa búgin saǵat 17:00-de boldy. Aqtóbeden Alǵaǵa bet alǵan avtobýs taıyp ketip, jol jıegine aýdarylyp qalǵan. Sol kezde jolda kezekshilikte júrgen polıtsııa qyzmetkerleri kómek kórsetip, jolaýshylardy evakýatsııalady. Bárin Alǵa qalasyna jetkizdi. Avtobýs salonynda 22 jolaýshy bolǵan. Bári din aman», - dedi oblystyq PD baspasóz qyzmetiniń jetekshisi Erbolat Sarqulov.
