Aqtóbede avıazaýyttyń eks-basshysy 110 mln teńge jymqyrdy degen kúdikke ilindi

ASTANA. KAZINFORM — QMA Aqtóbe oblysy boıynsha departamenti «Avıajóndeý zaýyty № 406 GA» AQ-nyń burynǵy basshysyna qatysty bıýdjet qarajatyn jymqyrý faktisi boıynsha tergeýdi aıaqtady. 

Kúdikti qyzmettik ókilettigin paıdalana otyryp, áýe kemelerin jóndeýge arnalǵan taýarlyq-materıaldyq qorlardy zańsyz esepten shyǵarý shemasyn uıymdastyrǵan.

— MI-2 tikushaqtaryna, AN-2 áýekemelerine jáne qozǵaltqyshtarǵa arnalǵan agregattar men qosalqy bólshekterdi jalǵan satyp alý tıesili baqylaýyndaǵy kompanııalar arqyly júrgizilgen. Zaýyttyń qujattarynda atalǵan agregattar qoımadan alynǵan jáne kúrdeli jóndeý kezinde avıatsııalyq tehnıkaǵa ornatylǵan retinde kórsetilgen, biraq is júzinde qoldanylmaǵan. Keıinnen olardyń paıdalanylǵanyn formaldy túrde rastaıtyn esepten shyǵarý aktileri bekitilgen, — delingen QMA habarlamasynda.

Memleketke keltirilgen shyǵyn 110 mln teńge.

Sot sanktsııasymen kúdiktige tıesili 2 páter men jer ýchaskesine tyıym salyndy.

Qylmystyq is sotqa joldandy.

QPK-niń 201-babyna sáıkes ózge aqparat jarııalaýǵa jatpaıdy.