Aqtóbede aýyldyq okrýg ákimi jeke sharýaǵa 40 jylqy alýǵa bólingen aqshany qaltaǵa basqan

NUR-SULTAN. QazAqparat - QR QM Qarjy monıtorıngi komıtetiniń Aqtóbe oblysy boıynsha Ekonomıkalyq tergeý departamenti Muǵaljar aýdany aýyldyq okrýgi ákiminiń alaıaqtyq áreketiniń jolyn kesti, dep habarlaıdy QazAqparat.

«Agrarlyq nesıelik korporatsııa» AQ Aqtóbe qalasyndaǵy fılıaly «Qulan» baǵdarlamasy boıynsha sharýashylyq qojalyǵynyń ıesine 40 jylqy satyp alý úshin jalpy somasy 11 840 000 teńgeni quraıtyn nesıe bergeni anyqtaldy.

Alaıda, bólingen nesıe sharýa qojalyǵynyń ıesine jetpegen.

Aýyldyq okrýgtiń ákimi jalǵan qujattar men túbirtekterdi paıdalanyp, kórsetilgen qarajatty alyp, ony óz qajettilikterine jumsaǵan.

Atalǵan fakti boıynsha sotqa deıingi tergeý amaldary QR QK 190-baby 4-b. (asa iri kólemde alaıaqtyq) boıynsha júrgizilip, onyń aıasynda aýyldyq okrýg ákimine «qamaýǵa alý» sharasy qoldanyldy.

Qazirgi ýaqytta sotqa deıingi tergeý aıaqtalyp, qylmystyq is sotqa joldandy.