Aqtóbede aýyl turǵynynan 40 dana kıik múıizi tárkilendi
AQTÓBE. QazAqparat – Aqtóbe oblysy, Baıǵanın aýdany Qaraýylkeldi aýylynyń turǵynynan 40 dana kıik múıizi tárkilendi, dep habarlaıdy QazAqparat tilshisi.
Qazirgi ýaqytta 32 jastaǵy kúdikti qamaýǵa alyndy. Qylmystyq kodekstiń «Sırek kezdesetin jáne quryp ketý qaýpi tóngen, sondaı-aq paıdalanýǵa tyıym salynǵan ósimdikter men janýarlar túrlerin, olardyń bólikterin nemese derıvattaryn zańsyz paıdalaný» baby boıynsha sotqa deıingi tergeý bastaldy.
«Kıik múıizi birneshe polıetılen paketine oralǵan. Múıizdiń bári tárkilendi. Polıtsııa tergeýdi jalǵastyryp jatyr. Atalǵan sanktsııa boıynsha 3 jyldan 5 jylǵa deıingi bas bostandyǵynan aıyrý nemese múlkin tárkilep, sol merzimge bas bostandyǵyn shekteý jazasy kózdelgen», -dedi oblystyq PD baspasóz qyzmetiniń jetekshisi Erbolat Sarqulov.
