Aqtóbede aýyl turǵyny 8 saǵat boıy dalada adasyp júrgen
AQTÓBE. QazAqparat – Sharýa qojalyǵynan shyǵyp, aýylǵa bet alǵan 30 jastaǵy jigit joǵalyp ketti. Іzdeýge ıisshil ıt jiberildi, dep habarlaıdy QazAqparat tilshisi.
13 qańtar kúni saǵat 23:50-de oblystyq tótenshe jaǵdaılar departamentine 8 saǵat buryn aýyl turǵynynyń iz-túzsiz ketkeni týraly habar tústi.
«30 jastaǵy S.Chaşen sharýa qojalyǵynan Mártók aýdanynyń Aqsý aýylyna saǵat 15:00-de shyqqan. Habarlama túsken soń Jaısań aýyldyq okrýgindegi tótenshe jaǵdaılar departamentiniń jedel qutqarý jasaǵynan 8 adam, 1 kınolog pen bir tehnıka jiberildi. Sonymen qatar Órt sóndirý jáne avarııalyq qutqarý jumystary qyzmetinen 4 adam, bir tehnıka, sharýa qojalyǵynan da kómek kórsetildi. Joǵalǵan jigit 14 qańtar kúni saǵat 00:30-da aýyldan 13 shaqyrym qashyqtyqtan tabyldy. Oǵan medıtsınalyq kómek qajet bolmady, din aman», - dep habarlady oblystyq TJD baspasóz qyzmeti.
