Aqtóbede aýyl turǵyndary jalǵyzbasty anaǵa úı alyp berdi
Ana men balaǵa kómek kórsetý jumysyn júıeleý úshin qurylǵan «Anaǵa syı» qory bir otbasyn qýanyshqa bóledi. Temir aýdany, Jaqsymaı okrýginiń turǵyny Álııa Qasymovaǵa baspana tartý etti.
«Bul maǵan tosynsyı boldy. Negizi ózim páter kezegine turdym. Muqtaj otbasy sanatyna tirkelgenimmen úı surap, mazasyn almadym. Buıyrdy, alǵysymdy aıtamyn. Ári ózim balalarymnyń bolashaǵy úshin páterge qarjy jınap júrmin. Olardyń erteń-aq ósip, azamat bolatynyn oılap, jumystan tartynbadym. Qamqorlyq kórsetken adamdarǵa alǵysymdy aıtamyn», - dedi Á.Qasymova.
Sonymen birge 3 bala tárbıelep otyrǵan Gúlmıra Musaǵa teledıdar, kópbalaly ana Raýshan Begimovaǵa kir jýatyn mashına, kəsibin bastaǵan Danagúl Baqytjanovaǵa tigin mashınasy berildi.
«Ulttyń uıytqysy – anna» atty rýhanı keshke ulaǵatty ustaz Márııa Elemesova, «Anaǵa syı» qorynyń múshesi Bıbihan Shadıeva, Jaqsymaı aýyldyq okrýgi əıelder keńesi tóraǵasy Gúlnao Ómirova, dəriger-gınekolog Kámpıt Dabyldına jəne qor quryltaıshylary men qamqorshylyq keńes músheleri qatysyp, aqyl -keńesimen bólisti. «Anaǵa syı» qory Qundyz Bıjanova, Raıa Iztaeva, Tilektes Kórpebaeva, Quralaı Ótegenovaǵa qarjylaı kómek usyndy. Aýdan kəsipkerleri muqtaj otbasylarǵa arnaıy syı ázirledi.
«Qazaq – jetim-jesirin jylatpaǵan halyq. Biz, Temir jurty júregimizdiń jylýyn qarapaıym halyqtyń muqtaj otbasyna syılaýǵa daıynbyz. Osy ıgi iske at salysqan barsha azamattarǵa alǵysymyzdy bildiremiz. Aýyzbirshiligimizdiń óskeleń urpaqqa úlgi bolsyn. «Qaıyrymdylyq jasasań, qaıyrymyn óziń kóresiń» demekshi əri qaraı da jumyla ıgi isti jalǵastyrýǵa shaqyramyn», - dedi aýdan əkiminiń orynbasary Nurlygúl Kóshekbaeva.
Aıta keteıik, «Anaǵa syı» qoryna aýyl turǵyndary qarjy jınap júr. Túrli sala qyzmetkerleri bir kúndik jalaqysyn aýdarady.
