Aqtóbede aýyl sharýashylyǵy salasyn sýbsıdııalaýǵa 16 mlrd teńge bólindi

AQTÓBE. QazAqparat – Aqtóbede oblysynda aýyl sharýashylyǵy salasyn sýbsıdııalaýǵa 16 mlrd teńgege jýyq qarjy bólindi. Teń jartysy jergilikti bıýdjet esebinen qarastyrylǵan, dep habarlaıdy QazAqparat tilshisi.

Qazir jer jyrtý, egin salý jumysy júrip jatyr. Bıyl 787 myń gektar jerdi ıgerý josparlansa, dalalyqtaǵy jumystyń 36 paıyzy aıaqtaldy. Dızel otynynyń lıtri naýryzda 163, sáýir aıynda 158 teńge boldy.

«Bıyl «Keń dala» baǵdarlamasy boıynsha 1,2 mıllıard teńge qarastyryldy. Sýbsıdııaǵa 16 mlrd teńgege jýyq qarjy bólindi. Onyń teń jartysy oblystyq bıýdjetten berilip otyr. Elektrondy túrde berilip jatyr. Nátıjesinde mal basy artty. Bıyl taǵy 13 myń bas iri qara, 20 myń bas qoı satyp alynady. Sonymen birge 4 myń tonna et esporttalady», - dedi oblystyq aýyl sharýashylyǵy basqarmasynyń basshysy Qusaıyn Sársembaı.

Aıta keteıik, Aqtóbede aýyl sharýashylyǵyna baǵytyndaǵy 30 mln ga jer bar. Onyń 25 mln ga jaıylym, 1,2 mln ga egistik.

«Jaıylymnyń tek 35 paıyzyn paıdalanyp otyrmyz. ıAǵnı, mal sharýashylyǵyn damytýǵa múmkindik bar. Jer alyp, qojalyq ashýǵa, bar sharýashylyqty keńeıtýge bolady. Óńirde bıyl 457 myń ga jer jalǵa berilip, 247 myń ga jer qaıtarylyp, qaıta aınalymǵa engizildi», - dedi Qusaıyn Sársembaı.