Aqtóbede aýyl mańyna belgisiz zat qulady
AQTÓBE. QazAqparat – Aqtóbede Baıǵanın aýdanynyń Noǵaıty aýyly mańyna belgisiz zat qulady. Qazir aýmaq qorshaýǵa alyndy, dep habarlaıdy QazAqparat tilshisi.
Aqtóbe oblystyq ekologııa departamenti basshysynyń orynbasary Erbolat Kojıkovtyń aıtýynsha, ázir ákimdik pen tótenshe jaǵdaılar qyzmeti eshqandaı habarlama túsirmegen.
«Resmı habarlama ákimdikten túsedi. Biraq oqıǵa týraly estidim. Aldymen tótenshe jaǵdaılar qyzmeti men sanıtar mamandar baryp, radıatsııanyń bar-joǵyn anyqtaıdy. Qazirgi ýaqytta ekolog mamandar daıyn. Biz topyraq synamasyn alamyz», - dedi Erbolat Kojıkov.
Ázirge jergilikti ákimdik qandaı da bir aqparat taratqan joq.
