Aqtóbede aýyl kásipkerleri jetim balalarǵa páter syılady
AQTÓBE. QazAqparat - Aqtóbeniń Yrǵyz aýdanynda týyp-ósken kásipkerler jetim balalarǵa baspana berip, jumysqa ornalastyrdy, dep habarlaıdy QazAqparat tilshisi.
Elbasy Nursultan Nazarbaevtyń «Bolashaqqa baǵdar: rýhanı jańǵyrý» baǵdarlamasy aıasynda «Yrǵyzym - yrysty mekenim!» respýblıkalyq jerlester forýmy ótti. Aqtóbeniń Yrǵyz aýdanyndaǵy forýmǵa aýylda týyp-ósken, elimizdiń ár óńirinde júrgen azamattar qatysty. Aýyldan shyqqan kásipkerler aldaǵy ýaqytta áleýmettik nysandardyń qurylysyn júrgizedi.
«Forým kezinde Yrǵyz aýdanyndaǵy áleýmettik nysandardyń qurylysyna jeke ınvestıtsııalar tartý týraly memorandýmdarǵa qol qoıyldy. «Týǵan jerge taǵzym» aktsııasy aıasynda balabaqsha, sport alańynyń qurylysy men Yrǵyz aýylyndaǵy kóshelerdi jaryqtandyrý, sonymen qatar Qumtoǵaı jáne Táýip aýyldaryna eki saıabaq salý jóninde kelisimder jasaldy. Jobalardyń jalpy quny - 100 mln teńge. Al «Baqytty bala» óńirlik baǵdarlamasy aıasynda 17 balaǵa Astanaǵa joldama berildi. Balalar úıinde tárbıelengen jeti balanyń otbasylaryna jaıly jabdyqtalǵan páter kilti tapsyrylyp, otbasyndaǵy jumysqa jaramdy adamdar eńbekke aralasty»,- dep habarlady oblys ákiminiń baspasóz qyzmeti.
Jetim balalardy qamqorlyǵyna alyp, baspanaly bolýyna kómektesken aýyl kásipkerleri Ibragım Sársenbaev, Hamıt Óteýuly men Boran Ermahanovqa «Jomart júrek» marapaty tabys etildi.
