Aqtóbede aýyl balalary úshin sport kesheni qoldanysqa berildi
Táńirbergen aýyldyq okrýginiń Sarjansaı aýylynda Táýelsizdiktiń 30 jyldyǵy qarsańynda jańadan dene shynyqtyrý-saýyqtyrý kesheni boı kóterdi. Bul úshin bıýdjetten 205 mln teńge qarjy bólinip, qurylys jumysy júrgizildi.
«Bul aýdandyq bıýdjet esebinen salynǵan sport kesheniniń biri. Jańa zalda bir mezette 150 adam jattyǵady. Endi aýyl azamattaryna erkin kúres, toǵyzqumalaq, ústel tennısi úıirmesine qatysý úshin aýdan ortalyǵyna nemese qalaǵa barýdyń qajeti joq», - dedi Mártók aýdanynyń ákimi Almas Salyqbaev. Ol aýyl jastaryna tabandylyq pen qajyr, sportta zor jetistik tiledi.
Aıta keteıik, Mártók aýdanyndaǵy Qaratoǵaı aýylynda da dene shynyqtyrý-saýyqtyrý kesheniniń qurylysy bastaldy. Sport kesheni 2022 jyly Rodnıkov aýylynda da salynady. Sóıtip myńnan astam turǵyny bar bar aýyldyń balasy men jasyn buqaralyq sportqa baýlýǵa bar jaǵdaı jasalady.
