Aqtóbede aýyl áıelderi sleti ótti

Aqtóbe qalasyna barlyq aýdan, aýyldyń kásipker áıelderi jınaldy. Aýyl men qala arasyndaǵy baılanysty nyǵaıtyp, bızneske ıkemi bar aýyl áıelderiniń múmkindigin arttyrýǵa baǵyttalǵan slet kezinde sheberlik sabaqtary uıymdastyrylyp, tájirıbe almasý jumysy ótti. Qazirgi kezde oblysta «Jumyspen qamtýdyń 2020 jol kartasy» baǵdarlamasy aıasynda 2 myńnan astam áıel óz kásibin ashty.

«Aqtóbe halqynyń 51 paıyzyn áıelder quraıdy. Kóptegen qyz-kelinshek memlekettik basqarý júıesinde qyzmet jasap otyr. Bilim, densaýlyq salasynda úlken jumys istep jatyr. Aqtóbe oblystyq kóshbasshy saıasatker áıelder mektebi, Іsker áıelder keńesi qyzmet atqaryp júr. Bári áıelderdiń máselesin sheshýge, kómektkesýge júıeli jumys istep jatyr»,- dedi Aqtóbe oblysy ákiminiń orynbasary Erbol Nurǵalıev.

Óńirde jetim, ata-analardyń qamqorlyǵynsyz qalǵan balalardy qamqorlyqqa alý oń jolǵa qoıylǵan. Balalardy kásipkerler, memlekettik organdar patronattyq tárbıe alyp, olar páterli bolyp jatyr. Aqtóbede «Meıirim» ortalyǵy da bar. Qazaqstanda teńdesi joq joba jetim balalardyń bilim alýyna, ómirge beıimdelýine jaǵdaı jasady. Daǵdarys ortalyǵy ashyldy. Onda 200-ge jýyq adam panalaı alady. Psıholog, zańgerler jumys isteıdi.
 

«Otbasy tárbıesine kóńil bólý qajet. Ajyrasý, tiri jetimderdiń sanyn azaıtý úshin jumys istep jatyrmyz. Zeınetkerler klýby ashyldy. Klýb janynan Analar keńesi, «Áıel baqyty» kelinder klýby jumys istep tur. Analarymyz jas otbasylarǵa tálim-tárbıe, baǵyt-baǵdar beredi. Daý-janjal týǵan jas otbasylarǵa keńes berip, shańyraqty saqtap qalýǵa kómek kórsetti. Klýbdyń fılıaldary ár aýylda ashylady»,- dedi Aqtóbe oblysy, Oıyl aýdanynyń ákimi Bulbul Kúzembaeva. 

Aıta keteıik, Aqtóbede «Analarǵa taǵzym» ortalyǵynyń qurylysy bastaldy. Memlekettik-jekeshelik seriktestik aıasynda qurylysy júrip jatqan ortalyq elimizdiń ózge óńirlerinde joq jáne eshqaısysy ázirge mundaı bastama kótermedi.

«Analarǵa taǵzym» murajaıy Qazaqstanda joq. Kóp elde bul joba engizilmegen. Bul ortalyq keler jyly iske qosylady. Bul otbasy qundylyqtaryn nasıhattaıtyn, analardyń qadir-qasıetin arttyratyn ortalyq bolady. Urpaqtar sabaqtastyǵyn jalǵastyrýǵa arnalǵan Jubanovtar álemi shyǵarmashylyq úıi jumysyn bastady. Bul da úlken jumys»,- dedi Erbol Nurǵalıev.