Aqtóbede aýyl ákimdigi jyrtylyp qalǵan týǵa baılanysty túsinik berdi

AQTÓBE. QazAqparat - Aqtóbe oblysy Hromtaý aýdany Tabantal aýylyndaǵy ákimdikte úsh kún boıy jyrtyq tý ilinip turǵan. Ákimdik osy jaǵdaıǵa qatysty túsinik berdi, dep habarlaıdy QazAqparat tilshisi.

Aqtóbelikterdiń biri Tabantal aýyldyq okrýgi ákimdiginiń mańdaıshasynda ilýli turǵan jyrtyq týdy beınekameraǵa túsirip, áleýmettik jelige salyp jiberdi.

Posmotret etý pýblıkatsııý v Instagram

Pýblıkatsııa ot ZELLO AKTOBE - OFFICIAL PAGE (@zello.aktobe) 25 Okt 2018 v 2:07 PDT

Beınematerıaldy túsirgen adam bul týdyń jarty jyl boıy ilýli turǵanyn, ákimdik bilgenimen, eshqandaı shara qoldanbaǵanyn habarlady. Keıin Tabantal aýyldyq okrýgi ákiminiń apparaty týdyń ózgertilip, jańasy ilingenin málimdedi.

«Ákimdiktegi týdyń jyrtylǵanyna úsh kún boldy. Tórtinshi kúni men ony aldyryp, búgin jańasy ilindi. Sol kezde ǵana jyrtylǵan tý týraly beınematerıal shyqqanyn kórip, dereý jaýap berildi», - dedi Hromtaý aýdany Tabantal aýylynyń ákimi Rınat Sársenǵalıev.