Aqtóbede aýrýhana aýlasyna tastap ketken er adam kóz jumdy
AQTÓBE. QazAqparat – Aqtóbede soqqyǵa jyǵylǵan er adamdy aýrýhana aýlasyna tastap ketken. Ol esin jımastan kóz jumdy, dep habarlaıdy QazAqparat tilshisi.
Aqtóbe qalasyndaǵy jedel járdem aýrýhanasynyń kólik turaǵynan birneshe jerinen soqqy alǵan er adam tabylǵan. 15 qańtar kúni 40 jastaǵy aqtóbelik es jımastan qaza boldy.
«Qylmystyq kodekstiń «Adam óltirý» faktisi boıynsha is qozǵalyp, tergeý bastaldy. 18 qańtarda polıtsııa qyzmetkerleriniń jedel-izdestirý sharasy kezinde asa aýyr qylmys ashyldy. Úsh kúdikti ustaldy. Bári ýaqytsha ustaý ızolıatoryna qamaldy. Tergeý amaldary júrgizilýde», - dep habarlady oblystyq Polıtsııa departamentiniń baspasóz qyzmetiniń jetekshisi Erbolat Sarqulov.
