Aqtóbede aýlalar men kóshelerdi sý basyp jatyr
AQTÓBE. QazAqparat - Aqtóbe qalasynda kún kúrt jylynyp, jańbyr jaýdy. Tótenshe jaǵdaılar qyzmeti jınalǵan erigen qar men jańbyr sýyn sorý jumystaryn táýlik boıy júrgizýde, dep habarlaıdy QazAqparat tilshisi.
Aqtóbe qalasynda sý tasqynyń aldyn alý, kóshege, aýlaǵa, jertólege jınalǵan qar men jańbyr sýyn shyǵarý jumysy úzdiksiz júrip jatyr. Óńirlik kommýnıkatsııalar qyzmetiniń habarlaýynsha, bir táýlikti 38 myń tekshe metr sý soryp alynǵan.
«Sý tasqynyna qarsy kúres shtaby úzilissiz jumys istep jatyr. Barlyǵy 251 turǵyn telefon shaldy. Olar aýlaǵa, aýla mańyna sý jınalǵanyn aıtyp, kómek surady. Qazirgi kezde 221 shaqyrýǵa baryp, kómek kórsetildi. Barlyǵy 1800 tekshe metr qar shyǵarylyp, 38 myń tekshe metrden astam sý soryldy. Qum tóseldi. Bul jumystarǵa ІІD, TJD, jergilikti atqarý organdardyń 282 jumysshysy jumyldyryldy. Qala kóshelerine 120 tehnıka shyǵarylyp, jumys jalǵasyp jatyr»,- dep habarlady Óńirlik kommýnıkatsııalyq qyzmeti.
Aıta keteıik, oblystyq TJD bastyǵy Baýyrjan Syzdyqovtyń aıtýynsha, Sazdy ózeni mańyndaǵy saıjaıda turatyn tórt turǵyn evakýatsııalanǵan.
