Aqtóbede aýyl turǵynyn bopsalaǵan úsh kúdikti qamaldy

AQTÓBE. KAZINFORM – Kúdiktiler jábirlenýshiden 2 mln teńge talap etken.

Aqtóbe oblystyq PD Uıymdasqan qylmysqa qarsy is-qımyl basqarmasy jáne arnaıy bólinis jaýyngerleri bospalaýshy topty anyqtady. Tergeý kezindegi aqparatqa súıensek, kúdiktiler qańtar aıynan bastap aýyl turǵynynan aqsha talap etken.

– Úsh kúdikti er adamnan eki mıllıon teńge aqsha talap etken. Jábirlenýshi aqshanyń bir bóligin berip úlgergen. Bopsalaýshy top arnaıy operatsııa barysynda ustaldy. Ol kezde jábirlenýshiden 400 myń teńge kólemindegi aqsha aldy. Tintý barysynda bopsalaý kezinde alǵan aqsha jáne kúdiktilerdiń birine tıesili «GAZel» avtokóliginen pyshaq tabylyp, tárkilendi. Ustalǵandar kinásin moıyndady. Qylmystyq kodekstiń «Qorqytyp alý» baby boıynsha tirkelgen qylmystyq is aıasynda sotqa deıingi tergep-tekserý júrip jatyr,- dep habarlady Aqtóbe oblystyq PD baspasóz qyzmeti.

Aıta keteıik, jábirlenýshi 38 jasta bolsa, kúdiktiler 38, 37 jáne 32 jasta. Qazir kúdiktiler tergeý ızolıatorynda otyr.

Buǵan deıin habarlaǵanymyzdaı, BQO-da bopsalaýǵa qatysy bar kúdikti qamaýǵa alyndy. Kúdikti jábirlenýshiniń páterinde bolyp, ony qorqytyp, iPhone 15 telefonyn ıemdengen. Ol qyzdy sol telefondy lombardqa tapsyrýǵa májbúrlegen.