Aqtóbede aýyl ákimdigi men veterınarlar ıtti kim óltirgenin bilmeıdi

AQTÓBE. KAZINFORM – Alǵa aýdany Bestamaq aýylynyń turǵyny kóshede ıttiń óleksesi jatqanyn habarlady. Alaıda ákimdik te, veterınarlar da ıt aýlaý jumysy resmı júrgizilmegenin aıtyp otyr. 

Ақтөбеде ауыл әкімдігі мен ветеринарлар итті кім өлтіргенін білмейді
Фото: alga_obyavleniya

Bestamaq aýylyndaǵy kóshelerde ıttiń óleksesi jatqanyn jergilikti turǵyn habarlap, fotosyn da qosa júktedi. 

Muny Alǵa aýdanynyń ákimi Aslanbek Shúıinshalıev rastady. Alaıda ıtti aýlaý, jansyzdandyrý jumysyna ákimdiktiń túk qatysy joq ekenin aıtty.

– Aýdandyq ákimdikte oǵan quzyrettilik joq, qajetti qural-jabdyq da qarastyrylmaǵan. Qazirgi kezde jınap, kómý jumysy júrgizilip jatyr, - dedi Aslanbek Shúıinshalıev. 

Al Bestamaq aýyldyq okrýgi ákiminiń apparaty ákimdik buǵan deıin de ıt aýlamaǵanyn, qazirgi kezde de bul ispen aınalyspaıtynyn habarlady. 

– Buralqy ıtterdi aýlaý baıqaýy áli jarııalanǵan joq. Aýyldaǵy ıtti aýlaý, jansyzdandyrý isine oblystyq veterınarııa basqarmasynyń qatysy joq, - dep habarlady Aqtóbe oblystyq veterınarııa basqarmasy.

Aqtóbe oblystyq PD baspasóz qyzmeti, polıtsııanyń bul iske esh aralaspaǵanyn aıtty. 

Buǵan deıin ıtti aýlaý, kútip ustaý, sterıldeý jáne birdeılendirý jumysy úshin bıyl 101 mln teńge qarastyrylǵanyn jazǵan edik. Onyń 57 mln teńgesi buralqy ıtti aýlaýǵa jumsalady. Aqtóbe qalasynyń ózinde 10 brıgada aýlaý jumysyn júrgizip jatyr. 

Сейчас читают