Aqtóbede aýdarylǵan mektep avtobýsynda 18 oqýshy men 9 ata-ana bolǵan
AQTÓBE. QazAqparat - Aqtóbede aýdarylǵan mektep avtobýsynda 18 oqýshy men 9 ata-ana bolǵan, dep habarlaıdy QazAqparat tilshisi.
Soltústik aınalma joldyń 13 shaqyrymynda jol-kólik oqıǵasy tirkeldi. Avtobýs ishinde №9 mektep-gımnazııasynyń 18 oqýshy men 9 ata-ana bolǵan.
«Avtobýs júrgizýshisi jol erejesin buzyp, «Tájikstan azamaty mingen »Nıssan« kóligimen túıisip qaldy. Saldarynan avtobýs aýdaryldy. Jedel járdem qyzmeti 16 balany aýrýhanaǵa jetkizip, ekeýi jatqyzyldy. Al jedel járdem aýrýhanasyna 3 eresek adam jetkizildi. Oqıǵa ornynda dárigerler, polıtsııa men tótenshe jaǵdaı qyzmeti jumys istedi», - dep habarlady oblystyq PD baspasóz qyzmeti.
Aıta keteıik, jolǵa shyqqan mektep avtobýsy polıtsııadan qaýipsizdikti qamtamasyz etý týraly ótinish jasamaǵan.
