Aqtóbede aýdan ákimi balasyn vaktsına saldyrýǵa ertip bardy
Aqtóbe oblysy boıynsha búginde 364 myńnan astam adam vaktsınanyń birinshi komponentin saldyrdy. Al 344 myńnan astamy eki komponentin de qabyldady. Qazirgi kezde revaktsınatsııalaýdan 20 myńnan astam adam ótti. Sonymen birge júkti áıelder, bala emizetin kelinshekter men jasóspirimderdi ımmýndaý sharasy ótip jatyr. Qobda aýdanynyń ákimi Bolat Qulov 14 jastaǵy uly Atabı Ahmetovti ertip, emhanaǵa bardy. Onda dárigerlermen keńesip, keıin óz kelisimin berdi.
«Іndetpen kúresý joly – ujymdyq, otbasylyq ımmýnıtetti qalyptastyrý. Otbasymyzdaǵy eresekter vaktsına saldyrdy. Pfizer vaktsınasy jetkizilgen soń ulymmen aqyldastym. Vaktsınanyń paıdasyn aıtyp, birge sheshim qabyldadyq. Aýdandyq aýrýhadaǵa baryp, dárigerlermen keńestim. Sóıtip vaktsına saldyrdy. Barshany, bala qamyn oılaǵan ata-anany vaktsına saldyrýǵa shaqyramyn», - dedi Bolat Qulov. Mektep oqýshysy Atabı Ahmetovtiń densaýlyǵy qalypty, vaktsınadan soń 30 mınýt boıy aq halattylardyń baqylaýynda boldy. Keıin oǵan aldaǵy úsh kúnniń erejesi, saqtaný joly túsindirildi.
Aıta keteıik, oblys boıynsha 6 myńnan astam adam Pfizer vakınasyn saldyrdy. Olardyń teń jartysynan astamy jasóspirim.
