Aqtóbede aýdan ákimdigi sý tasqyny kezinde zardap shekken otbasyna páter syılady
AQTÓBE. QazAqparat - Kóktemgi sý tasqyny kezinde zardap shekken otbasyǵa Qarǵaly aýdany bir bólmeli páter syılady, dep habarlaıdy QazAqparat tilshisi.
Aqtóbe qalasyndaǵy sý tasqyny kezinde zardap shekken otbasylarǵa aýdandar da kómek kómektesip jatyr. Oblys ákimi Berdibek Saparbaevtyń tapsyrmasyna oraı Qarǵaly aýdany bir otbasyǵa páter kiltin tabys etti. Aýdan ákimi Rahat Sydyqov qala turǵyny Nursultan Toǵyzbaev men Lıza Qusaıynovanyń otbasyn qýantty.
«Lıza Qusaıynova úshinshi top múgedegi. Toǵyzbaevtar otbasynyń tórt balasy bar. Bári erjetip, ata-anasynan bólek turady. Eń kenjesi 20 jasta eken. Qazirgi kúni ekeýi de jumys isteıdi. Otaǵasy «Taza qala» JShS-de, al Lıza Qusaıynova qaladaǵy joǵary oqý oryndarynyń birinde eden jýýshy bolyp júr. Sonymen qatar, sý tasqyny kezinde zardap shekken 10 otbasyǵa qurylys materıaldaryn alý úshin qarjylaı kómek berildi»,- dedi Qarǵaly aýdany ákiminiń oryndasary Іzgilik Tynymgereev.
Aıta keteıik, sý tasqyny kezinde zardap shekken otbasylarǵa osy aýdannyń «Stepnoı» jáne «Atameken nan» JShS-i de kómektesti. Al Aqtóbe oblysy boıynsha Muǵaljar, Temir aýdandary bir-bir otbasyǵa páter tabys etti.
