Aqtóbede aýany lastaǵan 70 kásiporynnyń jumysy ýaqytsha toqtatyldy
AQTÓBE. QazAqparat - Aqtóbe oblystyq ekologııa departamenti aýanyń lastaný faktisin tirkedi, dep habarlaıdy QazAqparat tilshisi.
Jyl ótken saıyn Aqtóbe qalasynyń lastaný ındeksi artyp otyr. Máselen, 2017 jyly lastaný ındeksi 6 bolsa, 2018 jyly 7-ge kóterildi.
«Qazgıdromettiń» Aqtóbe qalasyndaǵy №2 beketinde kúkirtti sýtegimen lastaný deńgeıi kóterildi. Munda shekti raýaly kontsentrat 12,3-ti qurady. Negizgi kózderi - káriz júıeleri, káriz qudyqtary men káriz sýyn sorǵylaý beketteri. Ekologııa departamenti tekserý júrgizip, talaptardy oryndamaǵan, aýany lastaǵan 70 kásiporynnyń qyzmetin ýaqytsha toqtatty», - deıdi oblystyq ekologııa departamentiniń basshysy Jaqsyǵalı Imanqulov.
Aıta keteıik, Aqtóbe oblysy boıynsha bıyl qatty turmystyq qaldyqtardy tógý polıgondary tolyq bekitilip bolýy tıis. Sebebi, qazirgi kúni oblys boıynsha Mártók, Qobda, Baıǵanın aýdandarynda jobalyq-smetalyq qujat ázirlendi. Al Oıyl, Yrǵyz, Áıteke bı aýdandaryndaǵy jumys bıyl aıaqtalýy tıis. Al oblystaǵy Hromtaý men Alǵa aýdandarynan ózge aýdandarda káriz sýyn shyǵaratyn, tazartatyn ımarattar joq. Sondyqtan las sý kez kelgen jerge tógilip jatyr.
