Aqtóbede aýa sapasynyń nasharlaýy úshinshi kún tirkelip otyr
NUR-SULTAN. QazAqparat – 29 tamyzda Qazaqstan qalalarynyń basym bóliginde meteorologııalyq ahýal qolaıly bolady, dep habarlaıdy QazAqparat Qazgıdrometke silteme jasap.
Sınoptıkterdiń boljamynsha, senbi kúni atmosferalyq aýanyń lastanýy tek bir ǵana qalada – Aqtóbede kútiledi.
Elimizdiń ózge shaharlarynda meteojaǵdaı norma sheginde bolady.
Aıta keteıik, Aqtóbede aýa sapasynyń nasharlaýy úshinshi kún qatarynan tirkelip otyr.
Qolaısyz meteorologııalyq jaǵdaılar - atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.
