Aqtóbede aýa sapasy nasharlaıdy
NUR-SULTAN. QazAqparat – Dúısenbide Qazaqstannyń kóptegen qalalarynda qolaıly meteorologııalyq jaǵdaı saqtalady, dep habarlaıdy QazAqparat.
«Qazgıdromet» RMK baspasóz qyzmeti taratqan málimetinshe, 14 naýryzda elimizdegi qalalardyń basym kópshiliginde meteorologııalyq ahýal birqalypty bolady.
Tek Aqtóbe qalasynda ǵana aýa sapasy nasharlaıdy.
Qolaısyz meteorologııalyq jaǵdaılar - atmosferalyq aýanyń betki qabatynda zııandy zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy. QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.
