Aqtóbede aýa raıyna baılanysty jol jabyldy
AQTÓBE. QazAqparat - Samara - Shymkent tasjolynyń Aqtóbe qalasy men Yrǵyz aýdandary aralyǵy ýaqytsha jabyldy, dep habarlaıdy QazAqparat tilshisi.
«Qazaqavtojol» JShS saǵat 20:00-den bastap kóktaıǵaqqa baılanysty Samara - Shymkent tasjolynyń bir bóligin japty. Respýblıkalyq kúre jolynda Aqtóbe qalasy Beqqul baba aýylynan Yrǵyz aýdany ortalyǵyna deıin jeńil jáne júk kóligine júrýge tyıym salyndy. Aqtóbe oblystyq tótenshe jaǵdaılar departamenti, polıtsııa joldaǵy qaýipsizdikti baqylaýdy kúsheıtti.
