Aqtóbede aýa raıyna baılanysty memlekettik tý tómen túsirildi
AQTÓBE. QazAqparat - Aqtóbeniń eki aýdanynda ornalasqan memlekettik tý tómen túsirildi, dep habarlaıdy QazAqparat.
Bul jaıynda Aqtóbe oblysy ákimdiginiń baspasóz qyzmeti málimet taratty.
«Qurmetti aqtóbelikter!
Aqtóbede jeldiń kúsheıýine baılanysty 12-shaǵynaýdandaǵy aınalma jolda ornatylǵan Memlekettik Tý jáne QR Tuńǵysh Prezıdenti atyndaǵy ortalyq saıabaqta turǵan Memlekettik Tý jel basylǵanǵa deıin túsirilip qoıyldy.
Bul - Týdyń jyrtylmaı saqtalýy maqsatynda jasalǵan áreket. Jel basylǵan soń qaıtadan ornyna kóteriledi» dep eskertti oblys ákimdigi.
Eske sala keteıik, Qazaqstanda aýa raıy buzylyp, 11 óńirde eskertý jarııalanǵan bolatyn.
