Aqtóbede Atjaqsy ózenindegi balyq qyrylyp qaldy
AQTÓBE. QazAqparat - Aqtóbe oblysy Muǵaljar aýdanynyń munaıly ólkesindegi ózende balyq qyryldy, dep habarlaıdy QazAqparat tilshisi.
Atjaqsy ózenin tekserýge oblystyq Ekologııa departamentinen, Orman sharýashylyǵy jáne janýarlar dúnıesi basqarmasynan mamandar jáne ıhtıologtar bardy. Ol jerde ekologtar sýdan, orman sharýashylyǵy basqarmasynyń ókilderi balyqtan synama aldy.
«Atjaqsy ózeniniń sýy tartylyp, kishkentaı kólge aınalǵan. Aǵysy joq, sýy turyp qalǵan. Sholý jasaǵan kezde munaı aqqan, zııandy qaldyq tókken belgi kórinbeıdi. Sý asty shirip, laılanyp, balyqtarǵa ottegi jetpegen bolýy múmkin. Sý synamasy búgin keshke nemese erteń belgili bolady», - dedi oblystyq Ekologııa departamenti basshysynyń orynbasary Erbolat Qojyqov.
