Aqtóbede atyraýlyq fýtbol fanattaryn uryp ketti
AQTÓBE. QazAqparat - Aqtóbede atyraýlyq fýtbol fanattaryn soqqyǵa jyǵyp, oıyn kezinde beıədep sózdi dronmen ushyrǵan adamdar izdestirilip jatyr, dep habarlaıdy QazAqparat tilshisi.
Aqtóbedegi Qobylandy batyr atyndaǵy ortalyq stadıonda Qazaqstan Kýbogy ótken bolatyn. «Atyraý» men «Qaırat» komandasy arasyndaǵy oıyn kezinde alańǵa beıədep sóz jazylǵan paraqsha ushyryldy. Qazirgi ýaqytta polıtsııa kúdiktilerdi anyqtaý jumysyn júrgizip jatyr.
«Aqtóbe oblystyq jergilikti polıtsııa qyzmeti beıədep sóz jazyp, ony stadıon ishine dronmen ushyrǵan kúdiktilerdi anyqtap jatyr. Oqıǵa boıynsha əkimshilik is qozǵaldy. Al «Atyraý» fýtbol klýbynyń atrıbýttary bar kıim kıgenderdi urǵan beınematerıal boıynsha Qylmystyq kodekstiń «Buzaqylyq» baby boıynsha is qozǵaldy. Tergeý qupııalylyǵyna baılanysty ózge aqparat taratylmaıdy»,- dep habarlady Aqtóbe oblystyq ІІD baspasóz qyzmeti.
