Aqtóbede atyraýlyq azamat mas dosynyń kinásinen qaıtys boldy

AQTÓBE. QazAqparat - Aqtóbe turǵyny syra iship, jaqyn dosyn kólikpen áýejaıǵa alyp barǵan. Saldarynan mas júrgizýshiniń kinásinen jol apaty oryn aldy, dep habarlaıdy QazAqparat Dıapazon saıtyna silteme jasap.

Oqıǵa Sáńkibaı batyr dańǵylynda bolǵan. 34 jastaǵy Nissan XTrail júrgizýshisi solǵa burylý kezinde qarsy kele jatqan kólikke jol bermeı, jol belgileri men qorshaýlarǵa soǵylǵan.

Nissan XTrail kóliginiń júrgizýshisi jaraqatpen aýrýhanaǵa tústi, al onyń áýejaıǵa alyp bara jatqan jaqyn dosy, atyraýlyq azamat oqıǵa ornynda qaıtys boldy. Anyqtalǵandaı, Nissan júrgizýshisi kólikti mas kúıinde basqarǵan, rýlge otyrmas buryn dosymen syra ishken. Alkogoldiń kesirinen áýejaıǵa baratyn jol ólimge ákeldi.

Sot jol-kólik oqıǵasyna kinálini 3 jylǵa bas bostandyǵynan aıyrdy jáne 10 jylǵa júrgizýshi kýáliginen aıyrdy.