Aqtóbede áskerıler qardan túrli músin jasap, balalardy qýantty
AQTÓBE. QazAqparat - Áskerı qyzmetshiler Aqtóbe qalasyndaǵy Tuńǵysh Prezıdent saıabaǵyna qardan músin, syrǵanaq jasady, dep habarlaıdy QazAqparat tilshisi.
Aqtóbe garnızonynyń áskerı qyzmetshileri balalardy qýantyp, merekelik kóńil-kúı syılady.
«Balalarǵa syı jasaý úshin ujym osyndaı sheshim qabyldady. Mýltfılm keıipkerlerimen qatar, Aıaz ata, Aqshaqar, tyshqan men sıyrdyń beınesin qardan jasap, boıaldy. Sonymen birge syrǵanaq jasaldy. Aqtóbe qalasynda aqyly saıabaq kóp, al ásker garnızon kishkentaı aqtóbelikterdiń tegin qydyrýyna múmkindik jasady», - dep habarlady oblystyq qorǵanys isteri jónindegi departamenttiń baspasóz qyzmeti.
Aıta keteıik, áskerı qyzmetshiler bar bolǵany eki kúnde onnan astam músindi qardan jasady.
