Aqtóbede áskerı qyzmetshiler qan tapsyrdy

AQTÓBE. QazAqparat – Aqtóbede 6655 áskerı bóliminiń qyzmetkerleri qan tapsyrdy, dep habarlaıdy QazAqparat tilshisi.

Táýelsizdiktiń 30 jyldyǵyna oraı «30 ıgi is» sharasyn aqtóbelik áskerı qyzmetshiler de qoldady. 6655 áskerı bóliminiń 40 qyzmetkeri donor boldy. Qan tapsyrý kezinde barlyq sanıtarııalyq-epıdemıologııalyq saqtyq sharasy eskerildi.

«Qan qory bolǵanymen, ony únemi jańartyp, tolyqtyryp turý kerek. Osyny eskergen qyzmetkerler birazýyzdan ortalyqqa kelip, qan tapsyrýǵa sheshim qabyldady. Áskerı qyzmetshiler el tyǵyshtyǵy men qaýipsizdigin kúzetedi ári osyndaı qaıyrymdylyq aktsııalaryna jıi qatysady. Bul bizdiń azamattyq boryshymyz», - dedi 6655 áskerı bólimi komandıriniń orynbasary Ǵanı Bólkebaev.

Ákerı qyzmetkerler ıgi sharany dástúrge aınaldyrýdy kózdeıdi.

«Donor degenimiz – deni saý adam. Sol sebepti biz muqtaj jandarǵa kómek berýimiz kerek. Óz erkimizben kelip, jaqsy iske úles qostyq. Endi ádetke aınaldyryp, turaqty donor bolamyn», - dedi qatardaǵy Eldar Bekbolatov.