Aqtóbede áskerı ınstıtýt qyzmetkerleri vaktsına saldyrdy
AQTÓBE. QazAqparat – Talǵat Begeldınov atyndaǵy áýe kúshteri áskerı ınstıtýtynyń qyzmetkerleri COVID-19-ǵa qarsy vaktsına qabyldady, dep habarlaıdy QazAqparat tilshisi.
Aqtóbe qalasynda ornalasqan Talǵat Begeldınov atyndaǵy áýe kúshteri áskerı ınstıtýtynyń qyzmetkerleri eldegi ımmýndaý sharasynan tys qalmady. Munda barlyǵy 1 myńnan astam adam eńbek etse, onyń 700-den astamy COVID-19-ǵa qarsy vaktsınanyń alǵashqy komponentin alyp úlgerdi. Aldymen basshylyq quram men JOO basqarma qyzmetkerlerine vaktsına egildi.
«Bul oqý protsesin úzdiksiz júrgizýge, áskerı daıyndyqty shyńdaýǵa múmkindik beretin qadam. Osy arqyly biz ózimiz ben jaqyndarymyzdy qorǵaı alamyz», - dedi ınstıtýt bastyǵy, avıatsııa general-maıory Dáýren Qosanov.
Vaktsınatsııa áskerı oqý ornynyń medıtsınalyq kabınetinde júrgizildi. Qyzmetkerler endi ekinshi komponentti 22-mamyr kúni qabyldaıdy. Osy jolmen ımmýndaý jumysy kelesi aıda tolyq aıaqtalmaq.
