Aqtóbede áskerı ınstıtýt kýrsanttary óz tańdaýyn jasap jatyr
AQTÓBE. KAZINFORM – T.Bıgeldınov atyndaǵy áýe qorǵanysy kúshteri áskerı ınstıtýtynyń kýrsanttary qaladaǵy № 72 referendým ýchaskesine sappen keldi. Olar eń birinshi bolyp daýys berdi.
Aqtóbe qalasyndaǵy referendým ýchaskeleriniń barlyǵy jumysyn bastady. T.Bıgeldınov atyndaǵy áýe qorǵanysy kúshteri áskerı ınstıtýtynyń kýrsanttary óz tańdaýyn jasaýǵa kiristi. Referendým ýchaskesine barlyǵy 900-den astam áskerı qyzmetshi men kýrsant keldi. Onyń 100-den astamy alǵash ret óz tańdaýyn jasady.
- Men Almaty oblysynyń týmasymyn. Qazir 3-kýrsta bilim alyp júrmin. Bolashaq tikushaq ushqyshymyn. Ári óz tańdaýymdy birinshi ret jasap turmyn. Men óz azamattyq boryshymdy óteý úshin keldim,- dedi Ábýbákir Saýlyquly.
T.Bıgeldınov atyndaǵy áýe qorǵanysy kúshteri áskerı ınstıtýty baspasóz qyzmetiniń habarlaýynsha, jeke quram men kýrsanttar túgel kelip, tańdaý jasap jatyr.
Eske salsaq, Aqtóbe oblysy boıynsha respýblıkalyq referendýmda 14 aýmaqtyq jáne 528 ýchaskelik referendým komıssııasy jumys istep jatyr. Referendým komıssııalarynyń quramynda 3 534 múshe bar.
Barlyǵy 18 sýdroaýdarmashy jáne 79 ınvataksı bolady. Sonymen birge múgedektigi bar adamdarǵa eriktiler men áleýmettik qyzmetkerler de kómek kórsetedi.
