Aqtóbede áskerden kelgenderdiń korteji qarsy betke shyǵyp, jol erejesin buzǵan

AQTÓBE. QazAqparat - Aqtóbede áskerden kelip, kólikpen jol erejesin buzǵandar ákimshilik jaýapqa tartyldy, dep habarlaıdy QazAqparat tilshisi.

Áleýmettik jelilerge monıtorıng júrgizý barysynda Aqtóbe qalasy Ǵ.Jubanov kóshesi boıymen júrgen birneshe avtokóliktiń jol erejesin óreskel buzǵany anyqtaldy. «Vaz-2114» avtokóligi birneshe ret apatty jaǵdaı týdyryp, qarama-qarsy qozǵalys jolaǵyna shyqqan.

«Nissan» jáne «Renault» avtokólikterinen birneshe adam tereze men kólik joǵarysyna shyqty. Olar avtokólikterinen memlekettik tirkeý nómirlerin alyp tastaǵan. Soǵan qaramastan polıtsııa qyzmetkerleri avtokólik júrgizýshileriniń jeke basyn anyqtap, ákimshilik jaýapqa tartty»,- dep habarlady oblystyq PD baspasóz qyzmeti.

Aqtóbe oblysynyń Polıtsııa departamenti jol qozǵalysy erejelerin saqtaýdy suraıdy.